ಶಾರದೆಯ ಕೃಪೆ..

-


ಕಣ್ಣು ತುಂಬಿತಲ್ಲೆ ತಾಯೆ
ನಿನ್ನ ಕೃಪೆಯ ಜೇನ ಸವಿದು..
ಸ್ತುತಿಸೆ ಮಾತು ಬಾರದಿರಲು,
ಕರುಣೆ ತೋರ್ದೆ ವಾಗ್ದೇವಿಯೇ, ಎನಗೆ..
ಕಣ್ಣು ತುಂಬಿತಲ್ಲೆ ತಾಯೇ...


ಮುದದಿ ಕರೆಯೆ, ತ್ವರದಿ ಬಂದೆ.
ವರವ ಬೇಡೆ, ಕರವ ಪಿಡಿದೆ.
ಭರವಸೆಯ ಬೆಳಕನ್ನು ತುಂಬಿರೆ,
ಜ್ಞಾನ ಭಕ್ತಿ ಹುರುಪಿನಿಂದ,
ಕಣ್ಣು ತುಂಬಿತಲ್ಲೆ ತಾಯೆ...


ರಾಗ ಲಹರಿಯ ಸ್ವರವು ನೀನು,
ಜ್ಞಾನ ಸುಧೆಯ ಧೇನು ನೀನು,
ವರ್ಣದಂದದಿ ರಾಗ ಸುಧೆಯ,
ಬೆರೆಸಿ ನೀ ಎನ ಬಾಳ ಚಿತ್ರಿಸೆ..
ಕಣ್ಣು ತುಂಬಿತಲ್ಲೆ ತಾಯೆ..
ನಿನ್ನ ಕೃಪೆಯ ಜೇನ ಸವಿದು..

Comments

Post a Comment

Popular posts from this blog

ತಡಮಾಡದೆ ನೀ ಬಂದು ಸೇರು

-
Image
ತಡಮಾಡದೆ ನೀ ಬಂದು ಸೇರು ನಾ ಕಳುಹಿಸಿರುವೆ ನನ್ನ ಕನಸಿನ ತೇರು.. ತೀರದಾ ಒಲುಮೆಯ ದಾಹದಿ ತೀರವಾ ಸೇರುವ ತವಕ.. ನಡುವೆ ನಮ್ಮಯ ಮನದಿ ಭಾವ ಮಿಲನವಿರೆ ಪುಳಕ.. ಇಂತಿರೆ, ತಡಮಾಡದೆ ನೀ ಬಂದು ಸೇರು.. ತರಲು ನೀ ಬೇಸಿಗೆಯ ಬಿಸಿಲಲಿ ಹೃನ್ಮನ ತಣಿಸುವ ತಂಗಾಳಿ, ಚಿಂತೆಯ ಬೇಗೆಯಲಿ ನಾ ಬೇಯುತಿರೆ ಪ್ರೀತಿಯ ತಂಗಾಳಿಯೊಡನೆ... ತಡಮಾಡದೆ ನೀ ಬಂದು ಸೇರು.. ಮನದ ಅಲೆಗಳ ಘರ್ಷಣೆ ಏನಿತೆ ಇರಲಿ, ಬಾಳ ಸಾಗರದ ಪಯಣ ಬಹಳಷ್ಟಿಹುದು.. ನಾವಿಕನಾಗಿರುವೆ ಈ ನಮ್ಮ ಪಯಣಕೆ, ದೂರದಿಗಂತವ ಸೇರುವ ನಿಟ್ಟಿನೊಳು, ತಡಮಾಡದೆ ನೀ ಬಂದು ಸೇರು.. ನಾ ಕಳುಹಿಸಿರುವೆ ಹೂ ತೇರನು..
Read more

ಸ್ಮೃತಿಗೆ ಬಾರದು ನಿನ್ನ ಉಗಮ...

-
Image
ಸ್ಮೃತಿಗೆ ಬಾರದು ನಿನ್ನ ಉಗಮ ಪೂರ್ಣ ಚಿತ್ತ ಪ್ರೀತಿಯೇ.. ಎದೆಯ ಒಳಗೆ ಆಸೆ ಬಿತ್ತಿದ ಭಾವಪೂರ್ಣ ಸ್ಫೂರ್ತಿಯೇ.. ನನ್ನ ತನುವರ್ಧದಲಿ ಪೂರ್ಣ ಮನ ತುಂಬಿರುವೆ ನನ್ನೆಲ್ಲ ಭಾವಗಳ ಜೀವ ನೀನಾಗಿರುವೆ ನೋಟದ ನೆರವಲ್ಲಿ ನನ್ನೆದೆಯ ಸೇರಿರುವೆ ನೆತ್ತರದ ಕಣ ಕಣದಿ ಅನುರಕ್ತವಾಗಿರುವೆ..ಆದರೂ.. ಸ್ಮೃತಿಗೆ ಬಾರದು ನಿನ್ನ ಉಗಮ.. ಭಾವಲೋಕದಿ ನೀ ಎನ್ನ ಸಂಗಾತಿ ಬಾಳ ಮಾಧುರ್ಯದ ಕೈಂಕರ್ಯದಿ ನೀನಾದೆ ಮೂಗುತಿ.. ಒರಟು ವೀಣೆಯೆಂಬ ನನ್ನಲ್ಲಿ ಮೀಟಿದೆ ನೀ ಇನಿದಾದ ತಂತಿ, ನೇಸರನ ಪ್ರತಿ ಕಣದಲ್ಲಿ ಕಾಂತಿ ನೀ ಚೆಲ್ಲುತಿರುವಾಗ, ಸ್ಮೃತಿಗೆ ಬಾರದು ನಿನ್ನ ಉಗಮ.. ನೂರು ಹೃದಯಗಳ ನಡುವೆ ನನ್ನೇಕೆ ಸೇರಿರುವೆ, ಸೇರಿ ಅಂತರಂಗದಿ ಕೋಲಾಹಲವ ಏರಿಸಿರುವೆ, ವರ್ಣ ಚಿತ್ತಾರಗಳ ಬಹುವಿಧದಿ ತುಂಬಿರುವೆ, ಇನ್ನೆಂದೂ ತೊರೆಯದ ಧಮನಿಯಲಿ ನೀ ಬೆರೆತಿರುವಾಗ, ಸ್ಮೃತಿಗೆ ಬಾರದು ನಿನ್ನ ಉಗಮ..
Read more